RUTA Ó SANTUARIO DA FRANQUEIRA.

Pois como as festas pasan axiña, e non todo vai ser comer e beber, hai que ir pensando xa en poñer as nosas pernas en funcionamento para retomar as pateadas polo monte.

Hai cambios e para o vindeiro día 11, subiremos á Franqeira, pero non vos asustedes, que iremos polo monte e o percorrido é pequeno.

Hai que inscribirse e pagar 3 euros por persoa. O prezo inclúe avituallamento igual que os ciclistas e un agasallo. O punto de encontro é no centro das Neves, e un autobús levará ós sendeiristas ata o punto de partida.

Penso que podería estar ben esta ruta........sería algo distinto..........así que si vos parece boa idea e queredes ir, deixade os vosos comentarios no blog, ou chamádeme (Conchi), para poder saber cantos ides, e sobre o día 7 ou como moi tarde 8 de Xaneiro, inscribirvos e pagar o prezo total das incricións (sería có diñeiro de Mamudo, que para algo o temos, digo eu). Vos só me tedes qué dicir quenes vades (seguro, porque logo non devolven a pasta da inscrición) e logo xa me encargo eu do resto...........................E si hai algún indeciso ata o propio día 11, pois non pasaría nada, porque hai 100 prazas e non creo que se cubran todas.

Aquí tedes o enlace por si queredes votarlle un ollo.

http://www.cclamprea.com/cclamprea/index.php

Espero as vosas respostas!!!

FELIZ ANO NOVO 2009 PARA TODOS OS MAMUD@S E QUE OS REIS VOS TRAIAN MOITOS REGALOS!!!

A PROBAR SORTE DE NOVO!!!

Pois aquí tedes o número para o sorteo de Reis.

Celia, non me dirás que non son eficaz...

A ver si desta toca, aínda que sexa un pouquiño.

Sorte para tod@s mamud@s!!!

A familia Mansinho Novas , desexalles a todos os mamudos e mamudas, unhas felices festas e que o 2009 sexa un ano de moitas andainas.

NÚMERO MAMUDO

Aquí tedes o número da "discordia"............
Para que logo algunha diga que non se fía
de min................Iso si, unha cousiña.............
seguimos igual de "ricos" que o domingo...........porque non nos tocou nada!!

FOXO DO LOBO

RUTA DOMINGO

Para este domingo estaba programado facer a segunda parte das Pontes do Lérez, pero por aquí pensamos que igual había moita auga e que quizás fora mellor facer unha máis alta. ¿Que vos parece se adiantamos unha semana e facemos a da "Memoria do Lobo" en Cotobade?

Mirade o enlace e comentade o que pensades. http://www.senderosdegalicia.com/senderismo/memoria_lobo/memoria_lobo.htm

A humidade vai ser inevitable e o frío, tamén, pero xa somos veteranos e nada nos asusta.

Como é circular igual podiamos despois facer unha papadiña conxunta, un bo cocido nalgún bar de Cotobade para comezar ou continuar as xornadas gastronómicas que nos agardan.

Se decidimor facer este sendeiro podemos quedar na Área de Servizo San Simón, despois de Rande, sobre as 10:00 h.

Espero comentarios.

Só puidemos facer dúas rutas polas inclemencias do tempo,pero resultou un fin de semana inesquecible,a pesar das ausencias

Sendeiro da Ribeira do Ulla

A ruta deste domingo promete ser preciosa con fervenzas, carballeiras e muíños. De novo seguiremos o curso dun río, esta vez o Ulla.

Son uns 13 Km. e non é circular así que, se vos parece, haberá que levar bocata pois como hai que chegar a Touro (hora e vinte dende Vigo), calculo que antes das 11:00h. non comezaremos a ruta.

Podemos marcar o punto de encontro na Área de servizo Compostela, 10 Km. antes de chegar a Santiago, sobre as 9:45h.

Temos xa mono de monte, a ver se vos animades todos e nos vemos o domingo, mentras agardo comentarios.

http://concellodetouro.web.iespana.es/informaciondetouro.htm

http://www.turgalicia.es/sit/ficha_datos.asp?ctre=32111&crec=36855&idversion=1-49L6HW&refnumber2=01010602&cidi=E

VIÑEDOS E AUGA

BubbleShare: Share photos - Find great Clip Art Images.">

Preciosa ruta

PAISAXES DO LÉREZ 1

BubbleShare: Share photos - Craft Ideas

PONTES DO LÉREZ 1

Comezamos duramente, foi longo pero resultón, A paisaxe preciosa, o día soleado.

Conseguimos facer unha ruta sen perdernos unha soa vez.

Bocadillos riquísimos, tortilla de Teruca sabrosísima e como non , fantásticas galletas mamudas feitas por quen sabe facelas.

A última ponte non daba chegado, algunha mamudiña xa desesperou e case determina quedar no medio do camiño agardando a noite. Debeu esquecer que ela, e só ela, alcanzou a cima do Mustallar.

Outro dos -iños non parou de falar nen un segundo. E os dous acabaron coas pilas dun invento comunicativo que mercou a das galletas.

A próxima ruta: Sendeiro dos viñedos da Ribeira Sacra. Ollo que tampouco é circular, será mellor levar bocadillos e madrugar un pouco.

Tedes aquí o enlace para preparalo todo, eu esta vez non podo ir.

http://www.turgalicia.es/sit/ficha_datos.asp?ordRs=1&ctre=32111&crec=33830&idversion=1-49KU5Z&refnumber2=01010602&full=&cidi=G&premium=

CALENDARIO 2008-2009

"Tormenta de Ideas"

Ahí se ve a la directiva y al grupo de asesoras decidiendo los nuevos derroteros de camiño mamudo... Mientras, otros nos dedicamos a la abstracción metafísica...

SOMOS UN MONTÓN

Non estivo nada mal para empezar, botamos en falta a sección de Panxón, a Santi, Leo, ao Jose e a Germán (a ver se este ano acertamos coas rutas), pero eramos uns 25 trepando polos Muíños do Folón.

A ver se cunde e nos animamos sempre, que este ano os sendeiros prometen (proximamente aparecerá colgado o calendario para que aportedes pequenas suxerencias).

Houbo alguns, que como xa sabían que ían comer ben pouco, decidiron non facer moito esforzo, o caso, e que OUTRASSSS, como xa o intuían decidiron encher antes a barriga. Cazamoste Celia.

Vaia tres patas pa un banco.

Isto non pode ser, ¿a isto chamaselle facer senderismo? pregunto eu.

COMEZAMOS 2

Xa vai sendo hora de botar a andar, O vindeiro domingo faremos unha rutiña suave e curta para engrasar xeonllos e acompasar respiracións. Tedes informacións varias do sendeiro dos Muíños do Folón e do Picón pola rede adiante, ademais seguro que xa os coñecedes pero sempre son unha preciosidade e para empezar están moi ben.

Penso que non é necesario madrugar pois en hora e media iso está feito, así que se vos parece quedamos no Francisco ás 10:30h. Despois de andar tocará falar do calendario de andainas e demais festas, para rematar comendo xuntos onde digan os entendidos da zona (ide pensando sitios e aclarando se contaremos ou non coa vosa inestimable presenza)

Eu andiven mergullando por varias páxinas en busca de rutas, creo que algunhas interesantes son estas:

http://www.senderosdegalicia.com/

http://www.fgmontanismo.com/sendeiro.html

http://www.turgalicia.es/sit/form_busqueda.asp?ctre=32111&cidi=E

Este ano podemos abandonar algo as terras potuguesas e volver ás terras de Cotobade, A Lama, Aciveiro (A memoria do Lobo, A Vía Escondida, Sendeiro Frei Martín Sarmiento, Circular de A Freixa, Sendeiro Natural de Aciveiro...); tamén podemos aproveitar os que están cerca ( A Garrida-Saiáns, A Madroa-Puxeiros, Circular de Priegue, Moaña) ou os que temos de Ourense (Senda do Río Avia, Arenteiro, Pena Corneira, Viñedos da Ribeira Sacra). E para fin de semana as miñas propostas son: Serra do Invernadoiro, Serra do Xurés e Parque Natural de Sanabria.

Eu xa traballei dabondo, agora sodes vós os que tedes que opinar e levar ideas para esa comida, porque hai que arrancar xa.

CARAVANAS

Decateime pola miña media laranxa que algúns están interesados no mundo das caravanas. Aí van unhas cantas direccións que poden ser moi interesantes.

http://www.ccc.devigo.net/index2.html
Esta web é do club caravaning de Vigo. É interesante por ter nela as direccións das distribuidoras de caravanas na zona de Pontevedra. Picar na icona de información útil.
http://www.towcar.eu/
Esta páxina é moi importante xa que indica se a caravana que pensades comprar é a adecuada para o voso coche. (é por culpa do lío dos pesos)
http://www.webcampista.com/
É un foro moi bo e completo deste mundo das caravanas.
http://www.buerstner.com/é/start.html
http://www.knaus.de/topmenu/caravans.html
http://www.adria-mobil.com/en/
Estas tres webs son de fabricantes de caravanas.
Que vos sexa útil.
Unha aperta

José R.

COMEZAMOS

¿Que tal mamudos, mamamudas, mamudiños e mamudiñas?

Supoño que descansados despois destas longas vacacións sen pateadas. Por aquí xa temos ganas de subir montes e montañas; aínda que o que máis nos apetece é de botar unhas risas con todos vos.

¿Que vos parece unha cea, previa reunión organizativa (non penso consentir que ninguén coma nin beba ata que quede todo falado, que vos coñezo) para o último fin de semana de setembro? ¿ Como vos vén?

Ata entón, irei pondo posibles rutas e máis informacións, vós tamén podedes facer algunha entrada (mellor asinada para saber quen a fixo) ou polo menos algún comentario.

Agora propóñovos unha proba de memoria:

¿ A que dúas rutas pertencen estas fotos?

Direivos como pista que foron dúas rutas inesquecibles pero por motivos ben diferentes. Espero respostas. Abrazotes

BO FIN DE TEMPADA

Na Illa de Arousa

Pola mañán Ruta dos cons (zona norte), inda que o de menos case son os cons; a paisaxe das praias o mellor; un pouco de sol de máis que quemou a máis de un. Comida rica na Brasería Salga e despois ao Carreirón. Houbo quen aproveitou para durmir baixo a sombra dos piñeiros, outros decidiron estar a remollo e o pasaron pipa. O tempo portouse, mal que lle pese a algunha de Salceda que esperaba que chovera.

Estabamos case todos pero notouse a falta dos Mansinho e da sección Panxón.

Rematou a temporada, fixemos bastantes rutas, imos collendo nivel, para outono máis e mellor, mentras ide recopilando información e gozando do verán. Biquiños.

Illa de Arousa

Este domingo imos a Illa de Arousa. Atopei este folletiño pero eu creo que é antigo, non creo que haxa tal sendeiro, ademáis sería moi longo, a Illa ten case 30 quilómetros de perímetro.

A idea é ir da ponte a esquerda, para coñecer o Parque Natural de Carreirón e aí facer unha pequena ruta ata o Muíño das Aceñas, que é un muíño de marea moi interesante.

http://www.youtube.com/watch?v=mTPTGyIoioo

Logo comidiña nalgún bar, praia, paseo ao faro na outra punta da Illa ou a gozar da vida que é a derradeira xuntanza da temporada.

En principio quedamos ás 10.30 na Área de servizo de San Simón.

Fervenza do río Mansiño

Comentario ao Trilho das Garças

¿Por que nos perdimos? O trilho das Garças ao principio está ben sinalizado. Pero ao chegar á Poça do Vale (Cumieira) únense 2 camiños: o das Garças e o trilho das Lages Altas. No canto de seguir o camiño cara ao norte, fomos cara ao sur, chegando á fervenza do río Poldras. Creo que merece a pena facer o trilho das Lages Altas (só son 5 Km) ou facer combinado o das Garças co das Lages Altas (en Maladas volven confluír ambos ). Jose GPS

Cea mamuda

Trilho das Garças

O próximo domingo toca de novo Paredes de Coura. O trilho das Garças é un sendeiro circular de 12 Km. así que deberemos andar espelidos para non abafar coa calor. En principio quedamos no Francisco (IES) ás 9:30h.

http://pedestrianismo.blogspot.com/2006/03/paredes-de-coura-percursos-pedestres.html

Efectos do "Espiritoso"

Isto se que é un estiramento

PRACTICANDO ESTIRAMENTOS BAIXO E SOBRE AUGA

Estiramentos

Andaba enredando na rede e atopei uns enlaces sobre os estiramentos que hai que facer antes e logo de andar.
En todos insisten en que é moi importante.
Como algúns imos tendo unha idade ?..Poño aquí os enlaces para que lle botedes unha ollada. Xa sei que ninguén os vai a facer pero eu aviso, logo se vos lesionades non será por non avisar.

http://www.ardillas.net/estiramientos.html

http://www.estiramientos.es/index.php?filt=senderismo

http://mayores.uji.es/apuntes/permanentes/Senderismo2.pdf

PRIMEIRO MISTERIO DO ROSARIO DE MONCHIÑO

mMami Teru non te enfades porfa plis. Eu hoxe solo cain o principio.
PERREA PERREA.

CAMIÑO DA FURNA

Pertinho do céu

Tan pertiño que case nos cae a nube enriba.

Molladura colosal, algún resbalón que outro, moita auga, paredes de pedra, brañas e pobos. Un trilho precioso que teremos que repetir pero pactando antes coas nubes ou cando menos levando roupa de reposto.

Trilho en Lamas de Mouro

Este domingo, se a choiva o permite temos andaina polas terras de Lamas de Mouro.

Unha proposta é facer o Trilho "Curro da Velha", circular de 7 Km, con algunha subidiña pero grao de dificultade moderado.

O inicio e final da ruta está despois de Castro Laboreiro por iso podiamos quedar a comer nun dos restaurantes que hai alí.

Mirade ben o folleto que aparece no enlace e comentade porque vexo que aínda parece haber distancia dende a ruta a Castro Laboreiro.

http://www.adere-pg.pt/site/imagens/pdf/curro_da_velha.pdf

Outra posibilidade é facer o Trilho "Pertinho do Céu" que tamén é circular, algo máis pequeno e está no Concello de Arcos de Valdevez pero relativamente cerca da Peneda. Consultade os enlaces e comentade.

http://www.adere-pg.pt/site/imagens/pdf/trilho_pertinho_ceu.pdf

Trilho do castelo da furna

Unha ducia de mamudos e mamudas e un can erguémonos cedo hoxe para facer o Trilho do castelo da furna. Contamos cun guía especial que se ofreceu a levarnos ao inicio da ruta pero, coa mellor das intencións, colocounos xa na cima, de xeito que tivemos que facer a ruta ao revés e seguir os sinais que marcaban en sentido contrario. Menos mal que Javier e Gabriela ían por diante e coas súas indicacións conseguimos non perdernos.

O peor foi cando descubrimos que o lugar onde debiamos regresar non era o que pensabamos inicialmente senon que estaba bastante máis lonxe e máis arriba.

As esculturas naturais das pedras, moi bonitas; boas vistas; o monte tapizado de amarelo... todo ben a non ser un asqueroso vertedoiro por onde pasa o sendeiro. Unha pena que non devíen o camiño por outo lado.

Aqui vai a foto da famosa galleta mamuda. Animadevos a facer esta receita

Trilho do "Castelo da Furna"

Para o vindeiro domingo, día 11, temos programada unha ruta en Valença que está sen determinar. Como xa fixemos varias, creo que poderiamos facer esta vez o Trilho do Castelo da Furna. É un pouco longa (14Km) pero ten a vantaxe de que é circular e queda relativamente cerca. Botádelle unha ollada ao enlace e contádeme que vos parece.

http://pedestrianismo.blogspot.com/2008/01/inaugurao-do-trilho-pedestre-castelo-da.html

Podemos quedar coma sempre na porta do instituto ás 9:30 para ter tempo de perderse, atoparse e voltar a comer os que queiran.

A miña primeira foto no blog

por fin

O PAPA NO MUSTALLAR

Houbo quen bicou o chan coa emoción. Non era para menos

Galletas Mamudas

Agora con foto cortesía de Lucre

ingredientes:

150 g. (6 barriñas) de chocolate NESTLÉ POSTRES
300 g. fariña.
120 g. manteiga
110 g. azucre moreno
110 g. azucre
100 g. noces.
1 ovo.
1 cucharadita de fermento en po

Preparación:
Bater a manteiga abrandada cos dous tipos de azucre ata que estea cremosa; engadir o ovo batido, a fariña e o fermento tamizadas e mesturalo ben.
Partir o chocolate en trocitos pequenos procurando que sexan de tamaño regular e picar as noces; agregalo á preparación anterior e deixala no refrixerador durante 1 hora.
Untar unha placa de forno con manteiga e cunha culler, formar pequenas porcións redondeadas, deixando espazo entre elas.
Cocelas a forno suave ata que estean lixeiramente douradas (de 10 a 15 minutos) e deixalas arrefriar.
Con estas cantidades saen de 35 a 40 galletitas.
Estas galletas poden conservarse durante varios días nunha caixa que peche hermeticamente.

ESPIRITOSO

Diccionario de la lengua española © 2005 Espasa-Calpe S.A., Madrid:

espiritoso, sa o espirituoso, sa

1-adj. Animoso, vivo, que tiene mucho vigor: chica alegre y espiritosa.

2-[Bebida] que contiene bastante alcohol: el anis es una de las bebidas más espiritosas.

Na baixada

Os mamudos do Mustallar.

Mustallar

Camiño mamudo ascendeu a Mustallar (1.924m.).

Hai razóns para que nos sintamos satisfeitos. Foi un gran esforzo que nos premiou cunha impresionante paisaxe. Eu penso gardarla na retina para soportar o asfalto.

Aida, a nosa benxamina, con só oito anos, ascendeu pola ladeira nevada do Mustallar rauda e enérxica e foi a primeira mamuda que logrou coroar a cima.

Algúns mamudos foron listos e levaron a mochila con eles o que lles permitiu comer un bocadillo de pan duro que, con aquelas montañas ao frente e despois do esforzo, sabía a manxar de deuses.

Outros, por andar liviáns, deixaron as mochilas abaixo ou amarrada na alambrada na mitade do camiño e ata chegar á base non disfrutaron do bocata.

Houbo quen, polas presas de chegar, caeu espatarrado no regato e mollou o cu.

Pero todos os sofocos e as suores valeron a pena e esa noite os mamudos durmiron moi contentos.

En grupo

Sendeiro dos pescadores e Ancares

De rebote, pero na próxima ponte de maio, Camiño mamudo vai a Os Ancares. Como sabedes a idea inicial da "Senda do oso" non puido ser, sempre acordamos demasiado tarde e non había maneira de atopar aloxamento para 17 roncadores.

Imos hospedarnos no http://www.osancares.com/ Mesón Novo, está ben situado para as rutas e a señora parece amable e esperamos que sexa boa cociñeira pois temos contratadas tamén as ceas.

Este domingo faremos o "Sendeiro dos pescadores do río Tamuxe". Foi unha ruta proposta por Moncho, espero que el saiba o camiño pois todo o que atopamos e o que ven na páxina da Xunta que tedes abaixo.

http://www.xunta.es/conselle/cma/gl/CMA07g/CMA07ga/Sendeiro_Tamuxe/p07ga_Sendeiro.htm