MAMUDOS 2009

E faltan algunhas rutas: Carboeiro, Aciveiro e Pena Corneira das que non tiña fotos.

FELICES FESTAS

Vellos roteiros para patear,

bos amigos en quen confiar,

"PANORAMAS"

e cervexas para gozar.

FELICES FESTAS

E recordade: A risa é o único tranquilizante sen efectos secundarios.

AQUÍ ESTA O NÚMERO.

Aquí está o número..........e polos dous lados......por si acaso algunha desconfía............que parece mentira........despois de demostrar en tantas ocasións a miña eficacia e confianza.......En fin..........a que desconfía........xa sabe que só lle esperan carbóns por Reis..........Iso si, haber si a sorte nos acompaña desta volta con este número. Sorte para todos!!!

DOMINGO: A FREIXA EN A LAMA

Como podedes comprobar aquí xa estivemos hai cinco anos. O domingo promete frío, como moito dan para A Lama 5º. Creo que o mellor será non madrugar, a ruta é bonita pero ten só 8 quilómetros. En dúas horas está feita e logo ou ben comemos por alí ou vimos para casiña, bocadillo con neve parece que non entra ben.

¿Que vos parece ás once na área de servicio de San Simón? Así damos tempo a que quente o día e descansamos máis.

A información da ruta está aquí

RUTA DO DOMINGO, CEA DO LUNS

A ver se a chuvia se comporta e podemos facer esta ruta que discurre por unha das fragas máis fermosa de Galicia. Lede o que publicaba hai algún tempo EL País:

"Más allá de la costa, la Pontevedra interior depara sorpresas como la fraga de Catasós, en el concello de Lalín, un pequeño bosque mixto declarado monumento natural donde se alzan algunos de los castaños más altos (hasta 30 metros) de Europa. El mismo sendero que permite recorrer a pie este espacio protegido conduce al pazo privado de Quiroga, que inspiró a Emilia Pardo Bazán la novela Los pazos de Ulloa".

Tedes cumprida información aquí.

Como é en Lalín, conviña quedar ás 10.00h na área de servicio da Cañiza ou ás 11.00 no quilómetro 0 en Lalín. Se a chuvia se anima a dar un respiro, cousa un tanto improbable, podemos facer os 14 km seguidos e comer despois sobre ás 15.00h. Se chove vai ser mellor deixalo para a próxima, pois é longa.

A cea do luns finalmente imos facela no Juanes, en Arantei. Falamos o domingo.

Agardo os vosos comentarios.

RUTA DA AUGA EN CALDAS

Xa sabedes que o domingo toca Caldas de Reis. A ruta é bonita pero pequena, duns 8 quilómetros, así que en dúas horas está feita. Como o sábado vou de concerto a ver a Fito, que vos parece non madrugar moito e quedar ás 10.30 h. na área de servizo que está despois de Rande?

Se fixera bó, podiamos comer un bocata en Barro, no parque que hai nas fervenzas do río Barosa e se chove podemos ir comer de bar e despois ir ver a fervenza que agora debe estar preciosa con tanta auga que leva caído.

Déixovos un video da fervenza e a información da ruta podedes atopala aquí e aquí

AI CABECIÑA

A ver para despistad@s.
Os códigos para facer unha entrada na Mamudoteca som exactamente os mesmos que os de Mamudo.
EEEEEEEEEEEEEEEE. Para deixar un comentario, igual que en Mamudo.
Intentadeo que MALOSERA

PROPOSTA DE CANCIÓNS MAMUDAS

Xa podedes botar un ollo á lista de cancións que, camiñando, camiñando e se o corpo e o ánimo acompañan, podemos ir lembrando.


Proximamente pasarase unha enquisa para tantear as vosas preferencias. As que consigan un maior apoio serán declaradas por un xurado competente "CANCIÓNS GALEGAS MAMUDAS 2009-2010". A data da entrega dos galardóns está por ver.

Se queredes enterarvos das cancións propostas, visitade a MAMUDOTECA http://mamudoteca.blogspot.com/. Ademais de conseguir a letra da famosa peza "FESTA NO MUÍÑO", tamén disfrutaredes dunha coñecida melodía.

PAISAXES DA LAGOA CON ESPANTALLO

PERCURSO DA AUGA

O vindeiro domingo, se nos deixa a chuvia, iremos a Ponte de Lima. A ruta parece faciliña, algo máis de 12 quilómetros, que podemos facer dun tirón para poder comer quente nalgún restaurante da zona (levaremos teléfonos para reservar).

Quedamos ás 10h. no instituto, a ver se antes das once estamos andando.

Tedes a información do percorrido aquí e aquí.

Déixovos tamén un video para ir ambientándonos.

OUTRO PANORAMA

	Un grupo de mamudos e mamudas, saíron este domingo á recollida da castaña. Algúns como estaban nun mosteiro, fixeron a ruta de ida e volta cargados con sete quilos de castañas. Isto se que é ter fe, menos mal que ao final tiveron a recompensa: birritas, polbo, carne ao caldeiro e a pronta visita da pantasma de PANORAMA.

RUTA SAN XOAN CACHÓN

Esta é a ruta que está prevista para o domingo: a de San Xoán Cachón. Comenza no Mosteiro de San Estevo, é circular e ten algo menos de 10 quilómetros. Se o tempo nos deixa, podemos quedar sobre as 10.00h na Cañiza. Será mellor non levar bocata pola chuvia e facelo seguido, en menos de tres horas seguro que o temos liquidado e despois xa comeremos.

RUTA DO PRÓXIMO DOMINGO

Xa están corrixidas as datas das rutas. Non sei por que razón saltaramos un fin de semana, pero era demasiado tempo sen camiñar, así que este domingo 25 iremos á Ribeira Sacra a ver se xa se nota o outono nas viñas.

O xoves concretaremos lugar de encontro e demáis datos.

PANORAMAS E PARONAMIÑAS

O do oso era o de menos. Algúns foron a Proaza por ver a orquestra Panorama e despois dunha pateada de cerca de 20 quilómetros, montaron no coche ás doce da noite para ir de festa e contemplar o show da orquestra. E houbo quen quedou coa boca aberta ao ver baixar a Batman, e dixo "que fantasmada" e non lle faltaba razón, que o importante é mover o esqueleto e para iso so se precisa boa música.

Menos mal que de PANORAMAS xa gozaramos ese día coa compañía das Xanas. Non me estraña que vivan alí, frío debe facer abondo, pero o que é vistas, teñen esas mozas mitolóxicas as que queren, unha chulada.

A Generosa será espléndida, agora si, menudo negocio montou coa súa "xenerosidade". Porque, e isto si que é certo, o fin último desta viaxe, de case cinco horas de coche, era que todo Dios probara o arroz con leite de Casa Generosa. Jose segue sendo incondicional del, eu prefiro o de Teruca e non necesito ir tan lonxe.

A Senda do oso para nós era pan comido, daí que inventaramos a versión para senderistas avanzados: Senda do oso nocturna á luz do teléfono móbil, non se permitían lanternas (inda que as tiñamos), había que ir ás apalpadas e ben amarradiños, sabendo que os principais perigos procedían da casa, entre os mamudos están Santi e Jose que ás veces asuntan máis que os osos. Menos mal que temos a Germán cos seus chistes, e a Teruca, que non pode nin quere ser menos, e nos fixeron a expedición máis levadeira.

Eu, ao chegar a casa, pedinlle ao meu Jose que saltara, afortunadamente, comprobei que non lle caeu nada, continúa todo no seu sitio. Ademáis, teño claro que, inda que vivo nun primeiro, ao butaneiro obrígolle a subir en ascensor porque é moi importante que manteña a postura ergueita, pois a encorvada leva a confusiós lamentables. En fin, que os chistes, ás veces, son moi educativos, e eu fun a Asturias, ademáis de para andar, a aprender cousiñas para a vida.

De todos os PANORAMAS quédome coas vistas do prado-comedor e co descubrimento do pobo de Bustiello. Que emoción sentín ao divisar tellados ao lonxe!!!!!! Inda que eu pensaba que estabamos en Pola de Somiedo, era Bustiello, ese pobo co que soñabamos cando gabeabamos desfiladeiro arriba, despois de varios pasos de baile (esquerda, dereita, dereita) fallidos. Pero as Xanas do día anterior permanecían connosco e enviáronnos un autobús especial para os mamudos.

Todo fenomenal, non faltou ruta subterránea con estalactitas e estalagmitas. Había que volver, algo malladiños, con maniotas no traseiro, iso si, con ningún quilo de menos, que diso xa nos encargamos nós a base de pote, fabada e arroz con leite.

PAISAXES DO OSO

SENDA DEL OSO

Xa está todo preparado para este fin de semana:
Temos 11 habitacións no hotel Peñas Juntas, en Proaza. Son todas dobres menos unha triple que é para os amigos de Julia. Cada un que se vaia colocando como queira e poida. Creo que hai catro camas de matrimonio e o resto de dúas camas, xa falamos diso con algúns.

O primeiro día está previsto a ruta das Xanas, saímos do hotel hacia Santo Adriano e collemos monte arriba ata Pedroveya onde comeremos na afamada Casa Generosa. Temos reserva para as 15:30h. Logo hai que baixar andando a ver se vai baixando tamén a papatoria.

O domingo faremos algunha ruta de monte, hai varias posibilidades pero agardamos a información de Turismo e do hotel para decidir. Ceamos no hotel e comeremos bocata.

Podemos completar os días con rutas nocturnas pola senda, así que levar lanternas.

Para o luns temos cita ás 11.00 h. para ver "Cueva Huerta" e logo, como dura unha hora a visita, decidiremos se facer algo máis como ver o teixu e o roble de Bermiego, comprobar como lles botan de comer ás osa Paca e Tola ou Bandujo que é un pobo con moito encanto. Comemos no hotel e regresamos.

RENOVACIÓN DE VESTIMENTA..........

GERMAN, hai quen foi a Quechua's house, sacou a Visa ouro-platino, e ARRASOUUUUUUU!!!!!!!!!!!!!

Ajjora, tócache a ti, darlle o beneplácito, e se non che gusta...............................................

¡¡¡¡ A CONA , MONCHA, A CONA !!!!!!!!!!!

DOMINGO EN COVELO

Este domingo, se o tempo o permite, iremos de ruta por Covelo. A ruta do río Xabriña ten moi boa pinta, como podedes comprobar aquí (buscade nos enlaces da dereita) e aquí.

É bastante longa así que bocata e a andar. ¿Que vos parece quedar ás 10.00h. na rotonda de Ponteareas, preto de Información e Turismo?

RUTAS 2009-2010 (novo!)

4/10............... Pedra da auga (Porriño)

9-12/10.......... Senda del oso

25/10............. Ribeira Sacra – Ruta San Xoán Cachón

8/11............... Percurso da água (Ponte de Lima)

22/11............. Ruta da auga (Caldas de Reis )

6/12 ..............Catasós (Lalín)

20/12.............A Freixa

3/1................. Roteiro etnográfico do río Xabriña (Covelo)

17/1............... Citânia (Guimaraes)

31/1............... Aloia

14/2...............Os Peares

28/2...............Trilho da Cha grande (Caminha)

14/3............... Rota do Monte Faro (Rodeiro)

28/3...............Trilho das Brandas de Padrao (Arcos de Valdevez)

11/4............... Ruta dos montes e ruta dos ríos (Arnoia)

25/4...............Ribadavia –Leiro

9/5................ REUNIÓN preparatoria da saída do seguinte fin de semana

14-17/5.......... Fragas do Eume

30/5...............Proposta de MORO

13/6............... Ruta do río Pedras (Pobra do Caramiñal)

27/6............... Illas Cíes

XA TEMOS MAMUDOTECA

Hola mamudos.
Dende hoxe tendes un novo blog de cabeceira. A MAMUDOTECA.
Botádelle un ollo e a colaborar.
As claves de acceso son as mesmas de sempre. (As de Mamudo)

RUTA DO DOMINGO E MÁIS VIAXES

Finalmente despois de falar con varios e varias creo que o mellor é facer o vindeiro domingo o sendeiro Barrantes-Armenteira que é o dos muíños de Ribadumia. Non teño claro os quilómetros pois atopei información contradictoria, uns din que 8 Km e outros 12 Km. Podemos facelo empezando en Armenteira ou en Barrantes, creo que esta última é a mellor opción pois os sinais están nese sentido.

¿Que vos parece quedar na área de servizo da autopista que hai despois de Rande sobre ás 10.15h? Levamos bocata para o camiño ou para o remate? Se vai bo tempo podiamos estudar a posibilidade de ir a praia e se non apetece chapuzón, despois do bocata podemos voltar, así non hai que deixar os coches ao final (previa reunión para marcar calendario de rutas, así que levade información os que teñades algo -xa vexo Moncho que queres promocionar a túa zona.). Comentade, comentade.

Outra cousiña: xa está en marcha a organización da ponte do Pilar. Como o tempo apremia e falaramos da Senda del Oso, chamei ao Sabil, é o albergue que coñeciamos, moi baratiño e majo pero non había sitio. Recomendoume un hotel en Proaza, e o rapaz do albergue chamou para que nos fixera un prezo. O hotel é Peñas Juntas, vainos cobrar a habitación dobre a 40€, como se fora temporada baixa e a media pensión (almorzo e cea) a 12€ ( lin bos comentarios sobre a comida neste hotel), hai posibilidade de camas supletorias para rapaces a 15€. Eu díxenlle que nos reservara para 20-25 persoas para os días 9-12 de outubro pero que tiña que confirmar e falar con todos. O próximo domingo conviña dicir o nº de xente exacto pois a estas alturas está todo moi pillado.

RUTAS 2009/2010

Despois do primeiro entrante en Ons o corpo pide máis e máis camiñatas, así que como non conseguín que ninguén me fixera caso, como non fago bo de vós, veña baile, veña verbena pero nada de orghanisasión, decidín buscar eu as rotas. Mergullando polos concellos en internet e preguntando aos amigos senderistas que temos, elixín estes sendeiros:

• RIBEIRA SACRA: Ruta de San Xoán Cachón
  http://es.fegatur.org/media/documentos/Castellano_Ruta_RibeiraSacra_Senderismo_San_Juan_Cachon.pdf
  
  
  CONCELLO DE AVIÓN: Ruta do Castro e ruta de Valderías
  http://www.gulliveria.com/especiales/187.htm
  
  
  CONCELLO DE RODEIRO: Ruta do Monte Faro
  http://www.turgalicia.es/sit/ficha_datos.asp?crec=36338&ctre=32111&cidi=G
  
  
  CONCELLO DE COVELO: Roteiro etnográfico do río Xabriña
  http://es.wikiloc.com/wikiloc/view.do?id=393155
  
  
  LALÍN: Sendas de Catasós
  http://www.lalin.org/turismo/que_ver_busca_senderismo.asp?busca=Senderismo
  
  
  ARNOIA: ruta dos montes e ruta dos ríos
  http://www.arnoia.es/gl-ES/23.aspx
  
  
  CHANTADA: Ruta dos Codos de Belesar
  http://armesto.org/cmchantada/roteiros.htm
  
  
  ARCOS DE VALDEVEZ: Trilho das Brandas de Padrao
  http://es.wikiloc.com/wikiloc/view.do?id=226264
  
  
  PONTE DE LIMA: As Lagoas de Ponte de Lima ou Percurso da água
  http://www.elcorrelimos.com/elcorrelimos/Lagoas_Ponte_de_Lima.html
  http://www.lagoas.cm-pontedelima.pt/percurso5.html
  
  
  POBRA DO CARAMIÑAL: Ruta do río Pedras
  http://www.apobra.com/rutas/sende2.html
  
  
  ARMENTEIRA-BARRANTES: Ruta da pedra e da auga
  http://es.wikiloc.com/wikiloc/view.do?id=450548
  
  
  A LAMA: Fervenza da Freixa
  http://www.senderosdegalicia.com/senderismo/freixa/freixa.htm
  
  
  GUIMARAES: Ruta da Citania
  http://pedestrianismo.blogspot.com/2006/03/guimares-percursos-pedestres.html
  
  
  CAMINHA: Trilho da Cha grande
  http://pedestrianismo.blogspot.com/2006/03/caminha-percursos-pedestres.html
  
  
  DO LIBRO DA XUNTA: Galiñeiro- Aloia-Tui

Podemos facer a de Covelo de primeira e logo organizamos o calendario pero vós ide entrando nos enlaces, pensando cousiñas e éscribindo algún comentario.

FIN DE SEMANA NA ILLA DE ONS

Xa está todo en marcha para comezar unha nova etapa mamuda. Temos contratado o aloxamento e o xantar do domingo así que só faltan as botas e moitas ganas de pasalo ben.

Explícovos para que así como ides chegando poidades solicitar o voso aloxamento NO RESTAURANTE "CASA ACUÑA". Coma sempre esta é unha idea pero sempre aberta a cambios:

• Habitación dobre con baño: Teru e Germán.
• Habitación dobre con baño: Loli e Joaquín.
• Apartamento de 4: Julia, Aida, matrimonio amigos de Julia e a súa filla.
• Apartamento de 6: Lucre, Mansinho, Martín, Conchi, Moro, Moncho, Santi e Leo. (Un dos mozos ou a moza debe durmir nunha colchoneta)
• Casa de 8: Jose, Celia, Antón, Martín, Javier, Rosa e Antón.
• Sesi pode instalarse na casa de 8 ou no apartamento de 4 con Julia.

Hai sabas e toallas. Todos temos cociña menos nas habitacións dobres pero seguro que calquera os invita a almorzar no seu apartamento.

A idea é que cada un vaia chegando e instalándose, estaremos en contacto, nós chegamos sobre ás 16:30h..

A cea pode ser de bocata, cada quen que resolva se levar cousas ou mercalo alí, hai unha tenda na illa, pódese mercar o leite pero igual convén poñerse dacordo cos do apartamento para levar café, azucre e demáis cousiñas que non merece a pena comprar alí.

Xa falamos da marcha nocturna, levade lanternas, creo que despois das 2:00h xa non hai luz na illa.

O plan do domingo pola mañán está aberto: marcha ou praia, segundo a temperatura.

A comida está contratada en Casa Checho para as 15:30h, consiste en empanada e polbo tipo illa que ten fama de delicioso, se alguén non quere ese menú, pode pedir outra cousa, previo aviso.

Unha cousiña máis: como imos ter bastante tempo de falar, conviña que levedes libriños, folletos ou ideas para organizar as andainas desta temporada.

PARA JAVIER


Tu camino será el mío
tu cuerpo yace dormido
más tu vida
estará siempre conmigo

Por eso amigo mío
adiós solo por un momento
hasta que Dios decida
que es tiempo de volver a vernos

PARA TI JAVIER, DONDE QUIERA QUE ESTÉS.

PORQUE CUANDO UN AMIGO SE VA
QUEDA UN ESPACIO VACÍO
QUE NO LO PUEDE LLENAR
LA LLEGADA DE OTRO AMIGO

HASTA SIEMPRE

ATA SEMPRE JAVIER.

Onte, deixounos para sempre o noso compañeiro de andainas Javier.

Todo o que poidera dicir del, sonaría a tópico.......cada un de nós xa sabe o grande que era.

Todos gardaremos o seu recordo nos nosos corazóns.

Onde queira que estea, sempre nos acompañará polos camiños de Mamudo......

GRACIAS JAVIER.

ILLA DE ONS

Despois de tantos acontecementos, de nacementos, comunións e bodas, toca voltar ao espíritu senderista desta manada mamuda.

O vindeiro domingo está programada unha camiñata na Illa de Ons. O barco sae de Bueu a partir das 10.00 h., podedes ver horarios e informacións varias aquí ou aquí.

O único problema que podemos ter é o tempo, en principio dan chuvia para o domingo pero cruzaremos os dedos e xa falaremos o venres. Mentras ide facendo comentarios.

HOLA SON MARTIN, EN PRIMEIRO LUGAR QUERO AGRADECERVOS TODAS AS VOSAS MOSTRAS DE CARIÑO, TEÑO MOITAS GANAS DE COÑECERVOS,E, ESPERO FORMAR PRONTO PARTE DO VOSO GRUPO.
MEUS PAIS NON PARAN DE CONTARME TODAS AS AVENTURAS QUE VIVISTEDES XUNTOS, BICOS.

A FAMILIA MANSINHO Ó COMPLETO.

O día 14 de Xuño ás 22:05, chegou a este mundo este fermoso meniño. Eu non teño palabras para describir........xuzgade vos mesmos. MOITOS PARABÉNS ÓS PAIS!!!

MARTIN SEGUNDO

Parabéns Lucre e Mansiño, Martín xa está aquí.

SENDEIRO DOS RÍOS DA FREIXA E DA MIÑOUBA

DÉIXOVOS A DESCRICIÓN DO SENDEIRO PARA QUE LLE BOTEDES UNHA OLLADA:

Comezamos o noso percorrido pola parroquia de Domaio desde a capela de San Bieito, ascendendo polo río da Freixa.
Xa dende o principio atopamos muíños de auga, en distintos estados de conservación. O sendeiro á beirado río da Freixa remata por debaixo do campo de Golf Domaio. A partir de aquí temos dúas posibilidades.
A primeira delas é continuar ao carón do río ata o fermoso val de San Lourenzo, unha zona onde aínda pervive un modelo de asentamento baseado na agricultura tradicional, que se atopa en retirada na parte do litoral, pero que aínda ten vixencia nestas zonas altas, moito máis rurais.
A outra posibilidade, integrada na nosa ruta, é ir cara á dereita, por debaixo do campo de Golf, ata atopar o outro río da zona de Domaio, o da Miñouba, concretamente nunha zona denominada Poza da Moura, de grande interese natural e etnográfico, representado pola presenza de varios muíños, cunhas impresionantes canles, acuedutos e cubos para a entrada da auga. Situado por riba do corredor de gran capacidade do Morrazo, na zona do viaduto da Moura, ten tamén moi boas vistas da ría de Vigo.
Dende a Poza da Moura podemos cruzar a ponte que atravesa o corredor de gran capacidade do Morrazo, para chegar á zona coñecida como Pedra do Navío, onde atopamos unha antiga corte e un conxunto de muíños, que se nos van mostrando a medida que ascendemos por un camiño tradicional empedrado, e entre antigos muros de pedra.
Ao chegar ao último destes muíños, atopamos un camiño de baixada, tamén empedrado, que nos vai levando, mentres gozamos da fermosa paisaxe da ría de Vigo, ata a pasantía da Pasaxe, onde unha ponte de pedra recentemente reconstruída fai de paso e de espectacular miradoiro da fervenza do río da Miñouba, curso de auga estacional, que desaparece nas épocas máis secas.
Dende esta zona da Pasaxe, na que podemos refrescarnos nas súas dúas fontes e o lavadoiro, imos baixando, primeiro pola estrada, e despois por un camiño tradicional, antigamente o eixe das comunicacións da parroquia, entre muros de pedra e o murmurio da auga, ata a zona do Rial, onde atopamos unha antiga ponte de pedra de tres ollos, e o muíño do Rial, o único da zona que aínda moe asiduamente.
Dende este punto podemos coller de volta cara ao punto de partida, á capela de San Bieito, a través dunha rede de camiños tradicionais entre leiras de labranza, ou podemos baixar cara á estrada 551, á altura da igrexa de San Pedro, e dende ela iniciar un percorrido pola zona litoral, incluida na Rede Natura 2000, na zona coñecida como enseadade San Simón (LicEs1140016).
Este fermoso sendeiro circular pecharíase así cun percorrido pola costa, entre as desembocaduras dos ríos da Miñouba e da Freixa, ascendendo de volta por este ultimo ata a capela de San Bieito, o punto de partida da ruta.

Non sabemos cantos quilómetros son así que todos con bocadillo, ás 10.30h. en Domaio, na cafetería que queda á dereita, ao pasar un parque infantil,á esquerda (ide atentos despois da gasolineira que está ao saír de Rande).

Para saber máis sobre o sendeiro picade aquí

OS CINCO EN PENA CORNEIRA.

Nin as inclemencias do tempo, nin o pésimo resultado de España en Eurovisión, nin as derrotas consecutivas do Madrid............................impediron que os cinco magníficos saíran a unha nova aventura mamuda. Fermosa ruta, recomendable e con cereixas incluída. E por si dubidabades en que en vez de facer a ruta, estivemos na Cañiza tomando o xamón, ou no Carballiño, tomando o polvo..........aquí vos deixo a proba de que somos fieis ós nosos principios.

No miradoiro.

Coroando Pena Corneira.

O Bocata!!!

E por último.....o pecado........A cervexa en Ribadavia!!!

RUTA PENA CORNEIRA

Esta é unha foto de hai catro anos, cando fixemos a ruta en abril do 2005.

Esta vez nós non podemos ir pois temos o cumpleanos do avó e quedamos para comer a familia xunta, unha pena!! Inda que teño que recoñecer que o que me dá máis pena é non poder ir a manifestación en Santiago polo galego, porque este goberno promete e eu cada vez son máis reivindicativa.

Pero vaiamos co sendeiro: non é circular; pódese facer ida e volta, pois son 8,5 km. e remata nunha área recreativa; pero igual, se decidides facer tamén os 2km. das derivacións, preferides comer polo medio e deixar o coche ao final. Vós veredes.

Coma sempre o punto de encontro, cando se vai cara Ourense, é a Área de servizo da Cañiza, sobre ás 10:30 h. ou cando digades.

Tedes a información aquí e este é o mapa.

NATIONAL GEOGRPHIC: The return.

Despois do seu paso pola sabana e xungla galega, os sendeiristas mamudos fan o desembarco na tundra asturiana.

Como poden observar na imaxe que acompaña este reportaxe, os rituais de alimentación seguen sendo moi importantes nesta tribu de peculiares homínidos.

A espera de poder ofrecer unha reportaxe gráfica máis extensa, National Geographic pide aos seus lectores a máxima dedicación para mellorar a nosa revista. E non se deixen enganar polas suculentas ofertas do Discovery Channel.

MOITAS GRAZAS

FERMOSO TARAMUNDI.

Aquí tedes un pequeniño video da fervenza que hai na rota de Seimeira en Santa Eulalia de Oscos. Para que vexades que non mentiamos e que realmente era moi bonita. Saístes todos moi guapos e favorecidos.

TARAMUNDI

Inda que o mellor é o que se garda na retina e que seguriño que todos tedes fotos impresionantes de paisaxe, déixovos este album para que quede constancia no blog desta estupenda viaxe.

PD.1: Dijo dixo.
PD.2: Santi, queremos o vídeo do "Ballet mamudo".

PD.3: Lucre, Mansinho, bótasevos de menos!!! vaia todo por ter canteira mamuda.

TARAMUNDI

Aí ao fondo estaremos mañá, viviremos nunha desas casiñas que se perciben entre as árbores. A foto saqueina desta direción:

http://www.asturiasenimagenes.com/full_fotast_064.htm

Botádelle unha ollada porque fala moi ben deste núcleo rural.

Xa falei con varios, somos 23 para vivir nas casas, veñen tamén Conchi, Jose e o seu fillo Óscar, así que preparei unha nova organización, sempre con posibilidade de cambio pero coa intención de partir dun reparto para simplificar. A cousa quedaría máis ou menos así:

CASA DO CREGO:

• Na parte de arriban hai dúas habitacións triples: nunha van durmir os catro nenos (Martín nunha colchoneta) e na segunda durmiremos Jose, Rosa e Celia (Jose parece encantado, non sei se dará feito).
• A parte de abaixo é como unha "suite", palabras da patrona, na que hai unha cama de matrimonio e un sofá cama: durmirán Jose, Conchi, Santi, Leo e Óscar (en colchoneta). Non sei como estará ese sofá pero hai que utilizalo para entrar todos.

CASA DOS PINOS:

• Na parte de arriba hai dúas habitacións dobres con camas de 120 e de 90: nas grandes durmirán os mozos e mozas (Conchi, Carlos, Amaya e Moncho), se non entran que utilicen colchoneta; nas de 90, Sesi, Julia e Aida (en colchoneta).
• Na parte de abaixo hai unha habitación de matrimonio e un sofá cama , dixo a señora que era bó. Podemos deixar durmir na habitación a Teru e Germán pois este está recén operado dunha hernia e pasará máis tempo na cama (aínda vai con costura incorporada) e polo tanto a Joaquín e a Loli tocaralles lidiar co sofá cama.

http://www.asveigas.com/

Qué vos parece?, xa sabedes que só é unha proposta porque hai que ver o lugar en vivo e decidir, pero en principio, conforme ides chegando, podedes situaros así.

A cea está contratada para as 10.30h. O menú para ese día será: sopa, tortillas, ensalada, embutidos e chorizo á sidra (foi a proposta da cociñeira).

Temos tamén arranxados os almorzos, pero hai que levar cousas para comer nas rutas e a manduca que se vos pase pola cachola que a natureza abre o apetito.

Teño información sobre varias rutas, de todas maneiras están nesta páxina:

http://www.taramundi.net/nuevaweb/index.htm

Nós non podemos saír ata as 7.00h. Quedamos con Conchi e Jose e con Julia. Chegaremos para a cea.

O teléfono da casa rural é 689039352, preguntade por Rosa.

Ide amodiño e vémonos mañá.

Ruta Frei Martín Sarmiento

ENLACE: http://www.turgalicia.es/sit/ficha_datos.asp?ctre=32111&crec=33818&cidi=E

Xa sei mamudos e mamudas que inda que non fixestes senderismo non parastes de andar entre procesión e procesión. Como? que non pisastes unha soa procesión? que veña comer e comer rosca? pois olliño, que os tempos van cambiando e convén mudar de costumes ... os de Tui, inda se poden redimir coa procesión de San Telmo, santo que aínda hoxe obra milagres e fai que esteamos esta semana de vacacións, ao contrario de todos os municipios galegos.

Eu penso saír de procesión en rogativa para que este domingo non chova, teño ganas de andar, pero as predicións dan un 60% de probabilidade de precipitacións, a cousa está chunga pero por se é o caso e non estades de festa nin de resaca aí vai a información:

O sendeiro empeza en Cerdedo, así que de novo podemos quedar na nosa área de servicio sobre as 10:30h. Como é circular e de 12 quilómetros ao mellor poderiamos facelo seguido e comer logo un cocidiño nun bar de Cerdedo (se eliximos isto igual cómpre quedar un pouco antes); a outra posibilidade é facer o momento bocata no medio do sendeiro para non ir tan afogados, vós veredes, eu coma sempre agardo comentarios, aínda que sexa unha espera en balde a maioría das veces.

San Xoan de Cova 2

Podemos quedar na área recreativa de Rande ás 10:30 hrs.e levar avituallamento. Absterse callos e similares

AVISO A NAVEGANTES: A NOITE DO SÁBADO O RELOXO ADIÁNTASE 1 HORA, así que olliño co cambio horario.

San Xoan da Cova

Hoxe non é a miña media laranxa quen escribe estas primeiras notas da ruta da fin de semana. A ver que opinión tendes sobre ela. Comenza en San Xoan da Cova é finaliza na área recreativa de Cubelas. Ten 12 km e non é circular. Según os papeis é fácil e se fai en 3 horas e pico.


Distancia percorrida: 12,46 kilómetros
Altitude min: 44 metros, max: 116 metros
Desnivel acum. subindo: 72 metros, baixando: 136 metros
Grado de dificultade: Fácil
Tempo: 3 horas 28 minutos

PAZOS DO ARENTEIRO

Este domingo toca visitar o Ribeiro: Sendeiro de Pazos do Arenteiro. Son 11 quilómetros, poderiamos facelo dunha tirada pero creo que é máis cómodo facelo con bocata, isto permítenos saír un pouco máis tarde e durmir algo máis.

A miña proposta é quedar ás 10:30 na Área de servizo da Cañiza e pasar por Pazos do Arenteiro a deixar un coche (o que implica que non se poden levar os coches xustos) e marchar para o inicio da ruta no Carballiño. Comeremos polo camiño cando a fame aprete. ¿Que vos parece? Agardo os vosos comentarios para ver se preferides ir sen bocadillo, comer ao final nun bar ou máis propostas (por exemplo facelo ida e volta).

Tedes o enlace aquí:

http://www.turgalicia.es/sit/ficha_datos.asp?crec=33823&ctre=32111&cidi=G

NATIONAL GEOGRAFIC: EPISODE TWO

O senderista Mamudo, na súa longa e nómada viaxe polo Planeta Azul, vese con frecuencia obrigado a sortear diversos obstáculos da sabana galega para proseguir a peregrinación na procura de alimento.

O senderista mamudo, ás veces, ve reducida a súa manada a moi poucos exemplares adultos. National Geografic non ten coñecemento de onde poden estar os exemplares máis novos, pero o que si é seguro é onde están os máis vellos.

National Geografic sitúaos practicando unha extraña danza de cortexamento para chamar a atención dos exemplares do sexo contrario e conseguir o apareamento. O exemplo máis recente está entre os Mamudos da raza Mansinho que agardan a súa primeira cría e que, moi segurisísimamente, será un cachorro Mamudo moi ben recibido na manada.

PROXIMAMENTE DISPONIBLE EN CARREPLUS LA TERCERA ENTREGA DEL LABORIOSO DOCUMENTAL DE INVESTIGACIÓN CIENTÍFICA.

SENDEIRISTA MAMUDO

Así é como queda o "sendeirista mamudo" despois dun curto día na procura de alimento pola sabana galega.

Andivo poucos quilómetros, non cazou nada, e veña a durmir!!!..........xa se encargará o resto da manada de topar alimento.........

Menos mal, que esta especie é minoritaria e case non queda...........e non vos asustedes si o vedes pola rúa, que non ataca a ninguén, só é que lle gusta, ás veces, separarse do resto da manada para coñecer novas especies.

Seguirei informando desta variedade tan peculiar do "sendeirista mamudo".

MOSTEIRO DE CARBOEIRO - FERVENZA DO TOXA

Pois como parece que para este domingo volta o sol de novo e para os que queiran curar o cabreo do Santo Aparecido, faremos, si a xente está disposta, a Fervenza do Toxa, que algún xa coñecedes pero que igual vos deixou tan bo sabor de boca, que queredes repetir.

Aínda que non é circular, parece moi faciliña, de tan só 5 Qm, polo que poderiamos facer toda a rota pola mañá, comer na fervenza un bocata e logo voltar tranquilamente.

Poderiamos quedar sobre as 10:30 na Área de Servizo de San Simón, para non madrugar moito e porque supoño que dará tempo de sobra.

Aquí tedes o enlace para máis información.

http://www.luarnafraga.org/rutas/carboeirotoxa/carboeirotoxa.html

NATIONAL GEOGRAFIC PRESENTS:

Despois do éxito do noso documental Tierra el Planeta Azul, National Geografic complácese en presentarlles o noso último documento de investigación: O Sendeirista Mamudo: Ese gran descoñecido.

O Sendeirista Mamudo foi unha especie terriblemente ameazada pola extinción, que grazas o labor desinteresada do clube Camiño Mamudo hai uns anos que goza de boa saúde.
O sendeirista Mamudo é unha especie que actúa en manadas, aínda que algunha vez, se separen dela algún dos seus exemplares.

Despois de grandes camiñatas, esta singular especie, alimenta as súas crías de maneira abundante por temor a unha posible "PÁJARA" no seu longo camiñar, para despois desfrutar dunha agradable sesta ao sol da primavera.

Se lles gustou esta reportaxe gráfica, poden adquirila nos mellores quioscos e a través da juep:

WWW. SESESE/NATIONAL GEOGRAFIC_ NDEIRISTAMAMUDOODESCONOCIDO.COM/ES
Polo módico prezo de 1.000.000.000.0000.0000.€